مەسرور بارزانی: دابینکردن گلەوخواردنیگ پووڕیاگ ئەرا ئاوارەیل ئێزدی ڕێکەفتن شنگال خوازێد
مەسرور بارزانی لە بەیاننامەگە وت: “ئمڕوو دەیەمین ساڵیاد ئەو جینۆسایدەس تیرۆریستەیل داعش لە شنگال و ناوچەیل دەورگردی وەرانوەر خوشک و برا ئێزیدیەیل کرد، ئەو تاوانە قیزەونە کە لەو ماوە تیرۆریستەیل هەزاران کەس لە ناوچەکە قڕکردن، بیجگە لە لەدەسدان و ئاوارەبوینی دەیان هەزار کەس بیتاوان”.
وتیش: "هەرچەن دە ساڵ لەبان ئەنجامدان ئەو کۆمەڵکوژییە رەد بویە، بەڵام هیمان زەخم و ئازار خوەشک و برا ئیزیدیەیلمان مەنیە، هیمان بەش فرەیگیان بیسەروشوینن، وە هیمان رەوش ناوچەگە سەقامگیر نەویە، کە یەیش لە ئەنجام زاڵبوین میلیشیا و گروپە چەکدارەیل کە ریگری لە گلەوخواردن ئاوارەیل ئەرا سەر ماڵ و میلکان خوەیان کەێد."
وتیش: "جویر حکومەت هەرێم کوردستان تەقەلا وەردەوامەیلی وەرد حکومەت فیدراڵی دووپات کەێدەو ئەرا ئاساییکردن رەوشەیل شنگال و دەورگردی، و تەقەلا ئەرا ئاوەدانکردن ناوچەگە، و کارکردن ئەرا مسۆگەرکردن گلەوخواردنیگ شایستە و سەربەرزی خوەیبەخشانەی ئێزیدییە ئاوارەبویەیل خوەشک و براییل ئەرا ماڵ و میلکان خوەیان، زوور لەمل گرنگی جیوەجیکردن ڕێککەفتن شنگال وە تەواوی کەێد، ئەرا چەسپیان ئاسایش و سەقامگیری لە ناوچەگە، و وەرپرسیارێتی و ئەرکەیل مقیەتیکردن و وەڕیەوبردن ئەرا دەس خەڵکە ڕەسەنەگەی گلەو بخوەێد. ”
رووژ 3ی ئاب 2014، ئەندامەیل داعش پەلامار قەزای شنگال دان لە خوەرئاوای پارێزگای نەینەوا و شمارەی فرەیگ لە ئێزیدیەیل کوشیان و زەخمدار بوین، و کەفتنە ئاوارەیی و ناوچەیلیان خاپوور کردن.
