مەزەنەی کەشوهەوای 48 ساعەت ئایندەی هەرێم کوردستان
شەفەق نیوز ـ وەدویاچگن
وەڕێوەبەرایەتی کەشناسی و زەویلەرزەناسی هەرێم کوردستان، ئمڕوو دووشەممە، کەشوهەوای 48 ساعەت ئایندەی ناوچەیل هەرێم راگەیان.
کەشناسی لە بەیاننامەیگ راگەیان، "ئمڕوو ئاسمان نیمە ئەورە تا ئیوارە، و تاوە واران و بەڵاچەی وەهاری کەم ناوچە جیاوازەیل هەرێم گرێدەو دویایی کاریگەریەگەی لاوازەو بوود، وەگەرد کەمیگ گورجەوبوین وا لە دویای نیمەڕوو و پلەی گەرمی نزیکە لە توومارەیل دویەکە".
دیاریکرد، "سوو سێشەممە، ئاسمان نیمە ئەورە ئەرا ئەور تەواو ئاڵشتبوود، وە مدوو ناجیگیری بەگە وای هەرێم لەدویای نیمەڕوو تاوە واران و بەڵاچەی فرەیگ ناوچەیل هەرێم گرێدەو، و مەزەنەکرێد تا وەخت ئیوارە وەردەوام بوود هەمیش کاریگەریەگەی وە کەمی مینێد ئەرا دیر وەخت شەو وە شیوەی پرزە واران وارێد لە ناوچە جیاوازەیل، پلەی گەرمی 2 تا 3 پلە نزمەوبوود".
هەولێر 17 پلەی سیلیزی
پیرمام 14 پلەی سیلیزی
سۆران 14 پلەی سیلیزی
حاجی ئۆمەران 6 پلەی سیلیزی
سلێمانی 15 پلەی سیلیزی
چەمچەماڵ 16پلەی سیلیزی
دهۆک 14 پلەی سیلیزی
زاخۆ 15 پلەی سیلیزی
هەڵەبجە : 16 پلەی سیلیزی
گەرمیان : 20 پلەی سیلیزی.
