مەرز ئیبراھیم خەلیل ١٠ هەزار تەن لە کاڵا وەماوەی شەش مانگ لەناو دەێد
لە بەیانامەیگ کە چاپیگی کەفتە دەس ئاژانس شەفەق نیوز وت: لە یەک 2024 تا سێەی حوزەیران 2024، ڕەزامەنی وەناوهاتن بۆ ئەراک شمارەیگ بارەیل کە بڕ کیشیان رەسیە ١٠ هەزار تەن رەت کریاس، ئەوەیش دویای ئەنجامدان وەشکین لە تاقیگەیل دەسە پەیوەندیدارەیل لە مەرزەگە.
وتیش: ئەو کاڵایل کلەوکریایە بریتین لە چشتەیل جوانکاری، کەرەستەی ڤێتێرنەری، و کەرەستەی بیناسازی، ببجگە لە بڕیگ کەرەستەی هەمەجیوری ترەک، وتیش: بەش فرەیگ لەو چشتەیلە گلەو دریانە ئارا سەرچەوەی خوەیان، و ئەو چشتەیل ترەک کە مەرج و کۆنتڕۆڵ حکومەت هەرێم لەناویان نەویە، لەناودریانە.
ئیدارەی هەرێم دووپات کرد کە ئی ریکارەیلە لە چوارچیوەی رکداریی تیەێد ئەرا یاسا و کۆنتڕۆڵ خوازیاگ وە هاوردە و هەناردەکردن ئەرا دڵنیابوین لە بیوەیی و کوالێتی ئەو کەلوپەل و کاڵا بازرگانیەیلە کە تیەنە ناو هەرێم کوردستان، و هەمیش ئەرا مقیەتیکردن تەندروسی و بیوەیی هاووڵاتیەیل.
هەمیش دووپات لە وەردەوامی چەودیاریکردن کاڵایل و دڵنیابوین لە پابەندبوینیان وە تایبەتمەندی و ستانداردە پەسەنکریاگەیل کرد، یەیش لە چوارچیوەی تەقەلایلی ئەرا قایمکردن کۆنترۆڵ سنوورەیل و ریگریکردن لە وەناوهاتن کاڵا کە وەگەرد ستاندارد نیەگونجێد.
