یەکەم جویرە.. پێشانگایگ بەرهەمە ئیرانیەیل لە هەولێر (وینە)
![یەکەم جویرە.. پێشانگایگ بەرهەمە ئیرانیەیل لە هەولێر (وینە)](https://media.shafaq.com/media/arcella/1722524441464.jpg)
پەیامنێر ئاژانس شەفەق نیوز وت پێشانگاگە ناوی "قەزوین"ە و وتاق بازرگانی پارێزگای قەزوین لە ئیران خاوەنداریەتی کرێد، لەشار هەولێر رێکخرێد.
حسێن فەرهادی خاوەن کۆمپانیایگ ئیرانیە بەشداری لە پێشانگاگە کردیە ئاشکەرایکرد ئەرا ئاژانس شەفەق نیوز/ "پێشانگاگە لە شمارەی فرەیگ لە کۆمپانیا ئیرانیەیل پێکتێد کە ئەرا هەرێم کوردستان هاتنە ئەرا بەشداریکردن و ئیە یەکەم جویرە و ئامانجە لەلی ئەوزەڵداین وە پەیوەنی ئابووری و بازرگانیەیل ناوەین ئیران و هەرێم کوردستانە وە تایوەت پارێزگای قەزوین کە وە ناوچەیگ پیشەسازی لە ئیران دانرێد".
وتیش "بازار لە هەرێم کوردستان وەلای ئیمە گرنگە یەکەم لەوەر نزیکی هەرێم لە ئیران و دویەمیش ریگەیگە ئەرا ئاشنابوین وەبان بازاڕ عراقی وە گشتی و بازرگانەیل عراق".
لەلایگیش محەمەد عەلی کە سەردانکەریگ پێشانگاگە بوی وە ئاژانس شەفەق نیوز وت " هویمان پێشانگاگە فرە گرنگە ئاسۆی نوویگ لە پەیوەنی ناوەین ئیران و هەرێم کوردستان وازکەێد و هەوەجە کەێد گرنگی فرەتریگ وەی جویرە چالاکیەیل ئابووری بدرێد کە رۆل گرنگیگ دیرێد لە وینەکردن نەخشەی ئابووری دووقۆلی و راکیشان وەبەرهێنانەیل ئیرانی".