مەکتەوەیل کوردستان یەک خولەک بیدەنگ وسیەن ئەرا قوربانیەیل گورز ئیران لەبان هەولێر.. وینە
![مەکتەوەیل کوردستان یەک خولەک بیدەنگ وسیەن ئەرا قوربانیەیل گورز ئیران لەبان هەولێر.. وینە](https://media.shafaq.com/media/arcella/1705825346400.jpg)
لە مەراسیم یادکردن قوربانیەیل، ئالان حەمە سەعید وەزیر پەروەردە لە یەکیگ لە مەکتەوەیل هەولێر وتاریگ پیشکەش کرد کە لەناوی وت: هەولێر پایتەخت ئاشتی و سەقامگیری و وەیەکەوژیان کریا ئامانج پەلاماریگ ناڕەوا، هاووەخت ئەوانەگ پەلاماریان دریا ک و بوینە قوربانی هاووڵاتیەیبل مەدەنی بوین و ئەو کەسەیلە بوین کە لە شارەیل ژیەن، وەبی ئەوەگ هیز چەکدار بوون یا دوژمن ئەو وڵاتە بوون کە پەلاماریان دا، لە وەختیگ سەنگەر و بەرە لە شوینیگ ترەکە”.
وتیش؛ وەمدوو پەلامارە ناڕەوایل لەبان هەولێر پایتەخت هەرێم کوردستان، زلهیزەیل جەهان، گشت لایەنە سیاسییەیل و گشت لایەنەیل جەهان نەفرەت لە پەلامارەیل بان هەرێم کوردستان وە گشتی و هەولێر پایتەخت ئاشتی وەیەکەوژیان وە تایبەتی کردن.
وەزیرەگە وتیش: پەلامارداین هەولێر هویچ ئازایەتییگ نەیرێد، بەڵکم ئازایەتی لە بەرەیل جەنگ و نواگردن دوژمنەیلە و پەلامارداین هەولێر پایتەخت هەرێم کوردستان نییە.
دویەکە شەممە، وەزارەتیگ پەروەردە لە هەرێم کوردستان، داوا لە گشت مەکتەوەیل و بازنەیل پەروەردەی کرد، ها وەخت وەرد دەسکردن دەوام فەرمی لە رووژ یەکشەممە، وە ماتەمینی ئەرا گیانیگ ئەو قوربانیەیلە دەسوەپی بکەن کە لە ئەنجام ئەو گورز مووشەکی بالستیکی ئیرانە کەفتن کە شار هەولێر کردە ئامانج.
وەزارەتەگە ئمڕوو لە بەیاننامەیگ راگەیان ئەرا شەرمەزارکردن تاوان پەلامارداین شار هەولێر پایتەخت لەلایەن سوپای پاسداران کۆمار ئیسلامی ئیرانەو و ڕێزگردن لە گیان پاک شەهیدەیل و زەخمدارەیل، بڕیار لەبان ئەوە دریاس یەکشەممە ٢١ کانوون دویەم ٢٠٢٤، لە گشت بازنەیل پەروەردەی حکومەتی و تایبەت سەر وە وەزارەت پەروەردە لە هەرێم کوردستان، وسیان خولەکیگ بیدەنگی و خوەنستن سروود “ئەی رەقیب” وەرجە دەسکردن پۆل یەکەم ئەنجام بیەن.
وەزارەت پەروەردە لە بەیاننامەگەی داوا لە وەڕێوبەر مەکتەوەیل و بازنەیل پەروەردە کرد کە وتاریگ لەباوەت نادادپەروەری و تاوان ناڕەوا پیشکەش بکەن، و پەیام وەخشین و وەیەکەوژیان و ئیرادەی باڵای کوردستان بڕەسنن.