مەکتەوەیل هەرێم کوردستان ئاهەنگ جەژن ئاڵای کوردستان کەن.. وینە
کامیرای ئاژانس شەفەق نیوز وینەی ئاهەنگ مەکتەو (دیاری) گرد لە شار هەولێر پایتەخت هەرێم کوردستان، وە ئامادەبوین ئالان حەمە سەعید وەزیر پەروەردەی هەرێم کوردستان.
وەرجەیە، وەزارەت پەروەردەی هەرێم کوردستان، فەرمان وە گشت مەگتەوەیل دا وە سازین ئاهەنگ رووژ ئاڵای کوردستان.
گەل هەرێم کوردستان لە ١٧ی کانوون یەکەم لە گشت ساڵیک ئاهەنگ رووژ ئاڵای کوردستان کەێد، ک بوونیگ نیشتمان نەتەوەییە، و چالاکییەیل فرەیگ کەێد، وەکەرد بەرزەوکردن پەرچەم کوردستان لە گشت فەرمانگە و دامودەزگایل حکومەتی، وە ئامادەبوین وەرپرسەیل و کەسایەتیەیل کۆمەڵگا و هونەری و سیاسی.
وە بوونەی رووژ ئاڵای کوردستان، نێچیروان بارزانی سەرۆک هەرێم کوردستان لەبان تویتەر نویسان: « هەر وە بەرزی مینێد و قەت نیەچەمێد»، و وەگەرد پۆستەگە پارچە ڤیدیۆیگ بڵاو کرد ک پەرچەم کوردستان لەناوی جویلە کەێد.
وەرجە ٧٦ ساڵ، ئاڵای کوردستان وە شیوەیگ فەرمی بەرزەو کریا، ئەوەیش لە ساڵ ١٩٤٥ لەبان بینای شارەوانی مەهاباد لە کوردستان ئیران.
پەرلەمان کوردستان، رووژ ١٧ی کانوون یەکەم لە گشت ساڵیک ئەرا رووژ ئاڵای کوردستان دیاری کرد، وەگورەی بڕیار ٢٦ لە ساڵ ١٩٩٩.
پەرچەم کوردستان سێ رەنگ هاناوی، ک رەنگ سوور نیشانەی شۆڕش، ئازایی هاز و دادپەروەریە، و رەنگ زەرد رووشناییە، و چەرمگگە هێمای ئاشتی و ئارامیە، و سەوزەگە نیشانەی سرووشت رەنگین کوردستانە.
