٣٠ کۆمپانیای ئەمریکی رەسنە کوردستان.. هەرێم رێککەفتن ئەرا قایمکردن بازرگانی و بەرهەمهاوردن واژوو کەێد

شەفەق نیوز / دەزگای بەرهەمهاوردن هەرێم کوردستان، ئمڕوو یەکشەممە، واژووکردن رێککەفتن ناوەین کۆمپانیا ناوخویی و ئەمریکییەیل راگەیان، ئەرا بەرزکردن هەماهەنگی لە بوارەیل 

 بازرگانی بەرهەمهاوردن، وەگەرد سەردان شاندیگ لە 30 کۆمپانیای ئەمریکی ئەراک هەرێم.

 سەرۆک دەزگاگە، محمد شوکری، لە کۆنگرەیگ رووژنامەوانی کە پەیامنێر ئاژانس شەفەق نیوز ئامادەی بوی وت: شاند ئەمریکی وەرجە ئەنجامدان گردەوبوینیگ هاوبەش لە ژوور بازرگانی و پیشەسازی هەولێر، وە ئامادەبوین بازرگانەیل ناوخۆیی و ئەندامەیل دەزگای بەرهەمهاودن ئەنجام دا.

وتیش: ئامانج گردەوبوینەگە بەرزکردن هاوکارییە بازرگانییەیل و زیایکردن بەرهەمهاوردن ئەمریکییە لە هەرێم.

 دیاری کرد کە شارەزایی بیانی نوێنەرایەتی دەرفەتیگ گرنگ کەێد ئەرا پاڵپشتیکردن کەرت ئابووری و بازرگانی لە کوردستان ئەرا دروسکردن گەشەی زیاتر.

 شوکری باس رێککەفتن ناوەین بازرگانەیل کورد و ئەمریکی کرد ئەرا زیایکردن هەماهەنگی و فراوانکردن قەوارەی بازرگانی و بەرهەمهاوردن دەرەکی، لەبان ئاستەنگە ئابوورییەیل ئیسە.