لە هەولێر.. پیاویگ هاوسەر خوەی لەنوای داڵگ وخوەشکەیلی کوشێد (وینە)

شەفەق نیوز/ سەرچەوەیلیگ وەچەودی خەوەردان ک پیاویگ هاوسەرەگەی خوەی کوشت لە قەزای بەنسڵاوە لە پارێزگای هەولێر. وەچەودیەگان ئەرا ئاژانس شەفەق نیوز وتن: دویەشەو سێشەممە، پیاویگ وچەک تەقە لە ژنەگەی خوەی کرد. وەچەودیەگان هەمیش وتن: پیاوەگە لەناوماڵ باوان هاوسەرەگەی خوەی لە وەرچەو داڵگ و خوەشکەیلی کوشتەی.
لەلای خوەییش، پۆلیس پارێزگای هەولێر لەبەیاننامەیگ ئمڕوو وت: لەوەر رووداویگ لە قەزای بەنسڵاوە، وەکوتپڕ تیم لێکۆڵینەوە دروس کریا، ئیجا روی کردن وەرەو شوون رووداوەگە.
بەیاننامەگە وتیش: دویای لێکۆڵینەوی وردیگ ئەرا رووداوەگە، دەرکەفت ک ژنەگە ''هەنا حەمید لەتیف'' وەدەس هاوسەرەگەی ''ک،ح،ج'' کوشیاس.
بەیاننامەگە هەمیش وت: هێزەیل ئاسایش وەماوەی کەمتر لە دوو ساعەت توێنستن دەسگیر توومەتبارەگە بکەن وەگورەی مادەی ٤٠٥ لە یاسای سزای عراقی.