لە هه‌ڕه‌ت بڵاوبوینەگە.. سلێمانی رێکارەیل تاقیکردن کۆڕۆنا وسنێد
شەفەق نیوز/ سەرچەوەیگ لە فەرمانگەی تەندروسی سلێمانی لە هەرێم کوردستان، ئمڕوو چوارشەممە، ئاشکراکرد لە وسانن تاقیكردنەگان ڤایڕۆس کۆڕۆنا لە پارێزگاگە، لەوەر تواوبوین چشتەیل تایبەت وەجیهاوردنی، و هوشداریدا ک سلێمانی بوودە شاریگ پەتاگەر.
سەرچەوەگە ئەرا ئاژانس شەفەق نیوز وت: چوونکە تیوب ( پارچەی تاقیەگە) لەدەس نیە ک وەپی تاقیكاری لە بان ڤایڕۆس کۆڕۆنا کریەێد لە خەسەخانەگان سلێمانی، تاقیکردنەگان وسیا.
وتیش؛ لەوەر زیایبوین تاقیكردنه‌یل لە روژەیل دویاین و بەرزەوبوین تووشهاتگەیل، بڕ تیۆب تاقیکردنەگە لە گشت خەسەخانەگان تایبەت وە کۆڕۆنا تەواو بوی.
سەرچەوەگە هوشداریدا لە رەوش ئیسە و وت؛ ئەگەر رەوشەگە وەیجوورە وەردەوامبوود، سلێمانی بوودە شاریگ پەتاگەر، و فەرمانگەی تەندروسی توانای تاقیکردن نەیرێد.
سەرچەوەگە هەمیش وت: بڵابوین ڤایڕۆسەگە فرە خیراس وتووشهاتنەگان لە فرەبوینە و سەرچەوەی بڵاوبوینەگە نادیارە.
