لویتکەی خوەرهەڵات ناوڕاس.. ئەلیزێه ئمڕوو میوانداری گردەوبوین ماکرۆن - نێچیروان بارزانی کەێد
گردەوبوین ئمڕوو یەکەم گردەوبوینە لەی جویرە کە لەلایەن ئەلیزێه لە ناوەین ماکرۆن و وەرپرسیگ خوەرهەڵاتی ناوڕاس میوانداری کریەێد، و راوێژکردن لەبان ئەو پیشهاتە زویوەزویلە لە عراق رویدەن، یەیش لە رووشنایی کاردانەوەی جەنگ ناوەین ئیسرائیل و حەماس کە رخەیل زیاتر لەلی کەفێدەو لە فراوانبوین ناوچەیی، کە کاریگەری لەبان عراقیش دیرێد.
دویەکە پەنجشەممە، بارزانی لە وەڵام مکیسنامەی فەرمی کە لەلایەن ئیمانوێل ماکرۆن، سەرۆک فەرەنسا ئەرای کلکریا، رەسیە پاریس.
سەرۆکایەتی هەرێم کوردستان لە بەیاننامەیگ وت: لە ناو دیدارەگەی وەرد سەرۆک ماکرۆن لە کۆشک ئەلیزێه، سەرۆک نێچیروان بارزانی باس پەیوەندییەیل فەرەنسا وەگەرد عراق و هەرێم کوردستان و پەرەپێدان هاریکاری هاوبەش و رەوشەیل عراق و ناوچەگە وە گشتی کرد.
جی باسە کە یە چوارەم سەردان فەرمییە ئەرا نێچیروان بارزانی لە دویای دەسوەکاربوینی لە پۆست سەرۆکایەتی هەرێم کوردستان لە خول وەرین، و سەرۆکایەتی هەرێم لە خول ئیسە.
بڕیاربوی سەرۆک فەرەنسا سەردان عراق بکەێد ئەرا بەشداریکردن لە "سێیەمین کۆنگرەی بەغدا"، کە بڕیاربوی لە کۆتایی مانگ تشرین یەکەم وەڕیەو بچوود، بەڵام دویاخستنی تا ئاگادارکردنیگ ترەگ زیاتر ریگری لەوە کرد.
