له شوون ٢٥ تووشهاتن نوو هەولێر قیەغە گشتگیرەگە لاورد
شەفەق نیوز/ پارێزگار هەولێر لە هەرێم کوردستان، ئمڕوو شەممە، راگەیان ٢٥ تووشهاتن نوو وە ڤایڕۆس کۆڕۆنا تۆمارکردنه ، و لە خود وەختەگە دووپاتکرد لە نزیکەو بوین لە کۆنتڕۆڵ کردن بیماریەگە دویای کەمەوبوین تووشهاتنەگان، و هەمیش بڕیاردا لە لاوردن قەیەغە گشتگیرەگە، و ئاڵشتکردنی ئەرا نیمچە قەیەغە.
فرسەت سوفی لە کۆنگرەی رۆژنامەوانییگ ئمڕوو لە هەولێر ك پەیامنێر ئاژانس شەفەق نیوز لەناوی بوی، وت: ئمڕوو ٢٥ تووشهاتن نوو وە ڤایڕۆس کۆرۆنا داشتیمن، ودیاری کرد؛ حاڵەت تووشهاتنەگان هالە داوەزین.
هەمیش وت: ئیمە روژ گوزران هاووڵاتیەیل خستیمنە وەرچەو، وریکارەیل سەختیگ دانایمن ئەرا نواگردن لە رمانن ئابووری شارەگە، و بڕیار دایمن وە کۆتایی هاوردن وە قەیەغی هاتووچگنە گشتگیرەگە ئمشەو، وەلی داوا لە گشتی کەیمن پابەند بوون وە نیمچە قەیەغەگە.
پارێزگار هەولێر ئاشکراکرد ک بڕیار دریا وە چەسپانن نیمچە قەیەغە، وەل یەکجاری بەسانن شارەگە لە رووژەیل جومعە، وەگەرد کەمەوکردن دەوام فەرمی لە دامەزراوە حکومەتیەگان، و دیاری کرد ک قەیەغه‌گە یەکجاریەگە لە ساعەت ٨ ئیوارە تا ساعەت ٥ شەوەکیە، بیجگە دەرمانخانە و نانەواخانەگان، وەل بردن ریکارەیل سەختیگ وەرانوەر پێشێلکارەیل.
پارێزگار هەولێر داوا کرد، ئەرا دەرنەچگن لە ماڵ مەگەر لە مەوقەیل گرنگ، و لە مەوقەی کردنەوەی دوکانە بازرگانیەگان بایەسە پابەندبوون لە وەکارهاوردن دەمامەک، و دووپاتکرد، ئیمە خوازیمن دەمامەگ وەزوور وەکارباید. وئاماژەدا؛ گشت بازاڕ و دوکان بازرگانی ومۆڵ و شوون گەشتیاری رووژ جومعە بەسیەێد، و فرە شوون جوور خوەی مینێد.
وتیش: مەرجەیلیگ چەسپیا لەبان بنکە تەندروسیەگان ( عەیادە) و شۆفێر تەکسیەگان ، و هەمیش وت: فەرمانگە حکومەتیەگان تەنیا ئەوانەی ک فرە گرنگە کریەێدەو، و لە دوو شەفت، ورێژەی ٣٠% ، وهەمیش قەیەغەی هاتن هەر سەردانیگ وەبی دەمامەک وهەمیش فەرمانبەرەیل وەیجوورە.
وتیش: هۆڵەیل وەرزشی و پرسە و ئاهەنگ وە بەسیاگ مینێد، و چێشتەخانەیل کارکەید وە سیستم رەسانن، نەگ لەناو چێشتەخانەگان.
دویاجارئاماژەدا وە دەسڵات داین وە قایمقامەگان لە چەسپانن قەیەغەی هاتووچگن لە وەخت پێویست، و هووشداری دا ک بڵاوبوین بیماریەگە شارەگە رمنێد.
