له‌ سلێمانى ته‌قه‌ له‌ ماڵ مامۆستايگ ئايينى كريا

له‌ سلێمانى ته‌قه‌ له‌ ماڵ مامۆستايگ ئايينى كريا
2020-01-30T08:30:06+00:00

شه‌فه‌ق نيوز/ وه‌ڕيه‌وبه‌رايه‌تى پۆليس ئداره‌ى راپه‌ڕين سه‌ر وه‌ پاريزگاى سلێمانى وت: ته‌قه‌ له‌ ماڵ پياويگ ئايينى كرياگه‌ له‌ قه‌زاى قه‌ڵادزێ.

 

وه‌ڕيه‌وبه‌رايه‌تيه‌گه‌ له‌ به‌ياننامه‌يگ وت: كه‌سه‌يليگ نه‌ناسرياى ته‌قه‌ له‌ ماڵ ئيمام و خوتبه‌ده‌ر مزگفتيگ له‌ ئاوايى ديلۆ سه‌ر وه‌ قه‌زاى قه‌ڵادزێ كردنه‌ و شوون هه‌فت گوله‌ وه‌قه‌ى ديوار ماڵه‌گه‌ێ ده‌ركه‌فتگه‌.

 

جى باسه‌، به‌ياننامه‌گه‌ له‌ زووان پياوه‌ ئايينيه‌گه‌و ئه‌وه‌ ده‌رخست ك هويچ كيشه‌يگ وه‌ل هويچ كه‌سيگ نه‌يرێد و شكايه‌تيگ له‌لاى بنگه‌ى پۆليس قه‌ڵادزێ تۆمار كردگه‌و بڕياره‌ وه‌گووره‌ى ماده‌ى 430 له‌ ياساى سزايه‌يل عراقى فه‌رمان دادوه‌رى ده‌ربكريه‌ێد ئه‌را ده‌سگيركردن ئه‌وانه‌گ ته‌قه‌گه‌ كردنه‌.

Shafaq Live
Shafaq Live