له جه‌نگيگ خيزانى له سلێمانى پۆليسيگ زه‌خمدار كريا
2020-05-05T19:13:03+00:00
شه‌فه‌ق نيوز/ كارمه‌نديگ له پۆليس ناوچه‌يى له ئه‌نجام جه‌نگيگ چه‌كدارى خيزانى له شار سلێمانى زه‌خمدار بوى.
له‌ى باوه‌ته‌و، سه‌ركه‌وت ئه‌حمه‌د قسه‌كه‌ر وه‌ناو پۆليس ئه‌را شه‌فه‌ق نيوز وت: يه‌كيگ له كارمه‌نده‌يل پۆليس فرياكه‌فتن زه‌خمدار بويه له جه‌نگيگ چه‌كدارى خيزانى ك له‌ناونى دو خيزان له ناوچه‌ى ئاشتى له شار سلێمانى كه‌فته‌سه‌و.
قسه‌كه‌ر وه‌ناو پۆليس هه‌ميش وت: هيزه‌يل ئه‌منى بارودوخه‌گه كۆنترۆڵ كردنه و په‌يجوورييگ له‌ى باوه‌ته‌و واز كردنه‌و چه‌ن كه‌سيگيش ك هووكار به‌رپابوين ئه‌و جه‌نگه بوينه ده‌سگير كريانه.
