له ئاماده‌كارى ئه‌را خراوتر.. شه‌فه‌ق نيوز له ناوه‌ند چاره‌سه‌ر په‌تاى كۆرۆنا له سلێمانى
شه‌فه‌ق نيوز/ به‌رزه‌وبوين ريژه‌ى تويشبوين وه ڤايرۆس كۆرۆنا له هه‌رێم كوردستان، بويه جى مه‌ترسى له‌وه‌گ نه‌خوه‌شخانه‌يل تايبه‌تمه‌ند تواناى پيشوازيكردن له تويشبويه‌يل نه‌يرن و ئى كاريشه له‌يوا كرد وه‌زاره‌ت ته‌ندروستى له حكومه‌ت هه‌رێم بگه‌رديده شوون چاره‌سه‌ره‌يل تر شوونگره‌وه‌و داوايش له كرد يارمه‌تى بدريه‌ێد له ريگرى له‌ى مه‌ترسيه له‌بان هاووڵاتيه‌يل.
نه‌خوه‌شخانه‌ى(ئاسا)يه‌كيگه له ناوه‌نده‌يل تايبه‌ت ئه‌را پيشوازيكردن له تويشبويه‌يل وه ڤايرۆس كۆرۆنا و وه ده‌سپيشخه‌رى شماره‌يگ له پياوه‌يل كار له خه‌ڵك شار سلێمانى دروس كرياو (65) قه‌ره‌وێڵه گرێده خوه‌ى و نزيكه‌ى (40) نه‌خوه‌ش له حاڵ حازر له‌تى وجوود ديرن.
ئداره‌ى نه‌خوه‌شخانه‌گه ئه‌را ئاژانس شه‌فه‌ق نيوز وت: زوورم ئى حاڵه‌ته‌يله جيگرن و جى دڵنياييه ك وجوود ديرن له‌ى نه‌خوه‌شخانه.
شه‌فه‌ق نيوز گه‌شتيگيش ل به‌شه‌يل نه‌خوه‌شخانه‌گه ئه‌نجامدا ئه‌را ئاگاداربوين له حاڵ نه‌خوه‌شه‌يل و ئاماده‌كاريه‌يل كادر پزيشكى و ئدارى له‌تى له‌وه‌ر پيشوازيكردن له شماره‌يگ تر نه‌خوه‌شه‌يل.
