گلەوداین تەرم ٣ کووچبەر کورد لە یۆنان خنکیانە
شەفەق نیوز/ ریخریاگ (لووتکە) ئەرا کاروبارەیل کووچبەرەیل لە هەرێم کوردستان و عراق وەگشتی راگەیان گلەوداین تەرم سێ کووچبەر کورد عراقی ئەرا هەرێم کوردستان لە سەرەتای مانگ تەمووز ئایندە راگەیان.
شێخ حسێن نوینەر ریخریایەگە لە بەیاننامیگ وت: رووژ پەنجشەممە دوو لە مانگ تەمووز ئایندە، لە ساعەت ٤:٥ ئیوارە، ئەوەسا تەرم سێ کووچبەر کورد ئەرا هەرێم کوردستان گلەو دریەێد، ئەوەیش وەڕی فڕۆکەخانەی ناودەوڵەتی هەولێر، یەکیگیان ئەرا مناڵیگە لە تەمەن ٦ ساڵان وئەوەکە ٩ ساڵان.
وتیش: دویای پەنج مانگ لە نقومبوین بەلەمیگ وە بڕیگ لە کووچبەرەیل لە ٢١-١٢-٢٠٢١ نزیک دوورگەی "سانتورین" یۆنان، تەرم سئ کووچبەرەگە لە وەختەیلیگ جیاج لەلایەن پاسەوانەیل کناراوی یۆنان پەیا کریا.
وەپای ئەوەگ رێکخریاگە بڵاوی کردیە، تەرمەیلە ژنیگ و دوو مناڵن ک یەکێگیان رەگەزی نیرە ئەوەکەیتر ما.
