لەوەر نەۊین فەرمانگەی تەندروسی هەرێم.. مەکتەوەیل کوردی لە خانەقین پەنا وە تەندروسی دیالە بەن
شەفەق نیوز/ وەڕیەوبەرایەتی پەروەردەی خانەقین سەروە هەرێم کوردستان، ئمڕوو شەممە، ئاشکرای هەماهەنگی تەندروسی وەگەرد فەرمانگەی تەندروسی دیالە کرد ئەرا وەشکین مەکتەوەیل لە پەتا و بیماریەیلە.
حەسەن تاڵەبانی وەڕیەوبەر پەروەردەی خانەقین، ئەرا ئاژانس شەفەق نیوز وت: فەرمانگەگەی مووڵەت تەندروسی دیالە برد تا پەنا وە تیمەیل دیالە بوەێد تا وەشکین مەکتەوەیلە لە بیماری و پەتا بکەن، چۊنکە فەرمانگەی تەندروسی سەروە هەرێم کوردستان لە خانەقین نییە.
وتیش: وەڕیەوبەرایەتیەگەی گشت شیوە و ئاسانکارییگ خستە نوای تێمەیل تەندروسی تا ئەرکەیل تەندروسییان لە مەکتەوەیل خانەقین جیوەجی بکەن.
تاڵەبانی دووپات کرد ک دەوام مەکتەوەیل خانەقین وە شیوەی رێک و سرووشتییگ وەڕیەو چوود، وەبی هۊیچ گرفتیگ یا هەڕەشەیگ تەندروسی وەگەرد دابینکردن گشت خوازینەیل زانستی و پەروەردەیی.
