لەوەر دیرکەفتن مووچەیلیان.. فەرمانبەرەیل بەنداو دۆکان بایکۆت کەن
شەفەق نیوز/ نزیکەی ١٠٠ فەرمانبەر لە بەنداو دۆکان لە پارێزگای سلێمانی بایکۆتکردن راگەیانن.
سەلام نەجم وەڕێۆبەر بەش هایدرۆلیک لە بەنداو دۆکان ئەرا ئاژانس شەفەق نیوز وت: ئمڕوو دەسکردیمنە بایکۆتکردن دوام، لەوەر دیرکەفتن مووچەگان لە ٥ مانگ گوزەیشتەو، و ئاماژە کرد ک بایکۆتەگە وەواز مینێد تا مووچە دیرکەفتگەگان خەرج بکریەن.
وەڕێۆبەر بەش هایدرۆلیک لە بەنداو دۆکان هووشداری کرد ک شایەت بەنداوەگە وەبی چەودیریکردن وەردەوامیگ بمینێد، ک لە هەر مەوقەیگ شایەت گرفتیگ بوود.
نەجم دیاری کرد ک مووچەیل فەرمانبەرەگان بەنداوەگە لەلایەن حکومەت فیدڕاڵی لە ساڵ ٢٠١٧ خەرج کریاد، وەلی فەرمانبەرەگان سەروە حکومەت هەرێمن، و وەرجەیە کتاویگ فەرمی لەلایەن موستەفا کازمی سەرۆک وەزیران وەخەرجکردن مووچەیل گشت فەرمانبەرەیل بەنداوەگان بوی.
وتیش: وەزارت دارایی فیدڕاڵی لەوەر بڕین بوودجەی هەرێم، مووچەیل فەرمانبەرەیل بەنداوەگان خەرج نەکرد.
