لە هەولێر... کوشیان ژنیگ وە گولە و چەکیان مافیایگ

شەفەق نیوز/ وەڕەوبەرایەتی تەندروسی قەزای کوێسەنجق لە هەولێر، ئمڕوو چوارشەممە، مردن ژنیگ وە تەقەی راستەوخۆ راگەیان.  

قسەکەر وەڕێەوبەرایەتیەگە هوکار محەمەد وت، لە ساعات (10:00) شەوەکی ئمڕوو ۹ شوبات ۲۰۲۲ تەرم ژنیگ کلکریایە ئەرا یەکیگ لە خەسخانەیلمان، ک لە  ماڵ خوەی تەقە لەلی کریاگە و کوشیایە.  وتیش، ژنەگە ناوی( س ، خ ، ر)  لەداڵگبۊی 1996 روداوەگە لە نزیک مەکتەو "کۆسرەت" بۊە، دیاریکرد، تەرم ژنەگە ئەرا پزشک یاسایی کلکریایە لێکۆلینەوە لەلی وەردەوامە . 

لە خود وەختەگە  قسەکەر وەڕێەوبەرایەتی پۆلیس پارێزگای هەولێر موقەدەم هۆگر عەزیز خەوەر دا لە چەکانن "مافیا" لە قەزای خەبات سەر وە پارێزگاگە. 

موقەدەم عەزیز  ئمڕوو وە رووژنامەنۊیسەیل راگەیان، پۆلیس دو کەس دەسگیرکردیە ک گەنجینە لە فەرمانگەی ئاو خەبات دزینە ک لەناوی بڕ 800 هەزار دینار بۊە، ئەوان پلان دزیی گەپتریگ لەی بەشە داناۊن، باوجی کارمەن کۆمپیوتەرەگە هووشیار بۊیە، پارەگەی وەگەرد خوەی بردیە و نەخستیەسە ناو گەنجینەگە. 

وتیش، تاوانبارەیل چگنە ناو فەرمانگەگە مەوقەی دینە خەزینەگە هۊچ لەناوی نییە نۊسانە (مافیایەیل هەولێر) دووپاتکرد، ک هەردگ تاوانبارەگە دەسگیر کریانە، ئەرا داوەر کلکریەن وەگورەی ماددەی.443 لە یاسای سزادان عراقی.  وتیش، تاوانبارەیل تەمەنیان  20 - 25 ساڵن دانشتگ قەزای خەباتن.