لە هەولێر هەەنگەوانەیل گشت ناوچەیل کوردستان لە ڤیستیواڵیگ بەرهەمە خوەماڵیەیل کووەو بوون (وینە)
شەفەق نیوز/ لە شار هەولێر پایتەخت هەرێم کوردستان، لەدویکە جومعەو، دەسکریاس وە ڤیستیواڵ ئەسەڵ و بەرهەمە ناوخوەیەیل وە بەشداری فرەیگ ئامادەبویەیل، تەقەلای رووشنهویرکردن مەردمەگە درێد وە بەرهەمە ناوخوەیەیل.
ئەحمەد پشدەری سەرۆک رێکخریاگ هەنگەوانەیل کوردستان وە ئاژانس شەفەق نیوز وت "ئێ ڤیستیواڵە لە شار هەولێر سازکریاس وە بەشداری شمارەیگ لە هەنگەوانەیل کە بەرهەمە جیاوازەیلیان هاوردنە لە گشت ناوچەیل هەرێم وە نرخە جیاوازەیل".
وتیش "ئێ جویرە ڤیستیوالەیلە گرنگە هیلد دوارە هیلد گرنگی وە بەرهەمە ناوخوەیەیل هەرێم کوردستان بدرێد وەکارهاوەر وەپی و بەرزی کوالێتیەگەی ئاشنابوود".
سالار کە بەشداربویگ ڤیستیواڵەگەس وە ئاژانس شەفەق نیوز وت " لە دهۆک هاتیمنە و بەشداریمن لە ڤیستیواڵەگە جویرە جیاوازەیل ئەسەڵ خوەمانی فروشیمن کە بەرهەم ناوچەی (برواری باڵایە) ئێ جیویرە وە کوالێتی باڵاگەی ناسریاگە.
پەیامنێرمان وتیش؛ لە ڤیستیواڵەگە شمارەی فرەیگ لە خاوەنکارەیل و پرۆژەیل بویچگ بەشداربوینە.
