لە هەولێر... مردن گەنجیگ و زەخمدازی پۆلیسیگ
شەفەق نیوز/ وەڕێەوبەرایەتی پۆلیس پارێزگای هەوڵێر، ئمڕوو یەکشەممە، راگەیان رانندەی ماشینیگ گەنجیگ تلانیە و بۊیە هووکار مردنی، خیزان قوربانیەگە پەلامار ئەندامیگ ئەمنی دەن دۊیای ئەوەگ تەقەلا دەن بچنە خەسخانەیگ لە ناوەن پارێزگاگە.
پۆلیس لە بەیاننامیگ ئمروو وت: لە ساعات نۆ دۊیەشەو ئاگادارکریان لە روداویگ هاتوچو لە ئاوای گزنە هێزەیلیان وە زۊ بڵاوەوبۊین دەسکردنە لێکۆڵینەوە. وتیش، لە لێکۆڵینەوەیلە دەرچگە رانندەی ماشینیگ لە جۊر تویوتا لاندکرۆز رەنگ چەرمگ کەسیگ تلانیە وە ناو ( ئەبوبەکر شوان عەزیز) تەمەن ۱٨ ساڵ بۊیەسە هووکار مردنی.
بەیاننامەگە درۊژە وە هۊردەکاری روداوەگە دا " دۊیای کلکردن گەنجەگە ئەرا خەسخانەی (ئیمرجنسی) خیزانەگەی مەرافە وەگەرد هێزەیل زێرەڤانی کردنە ویەکیگیان زەخمدار کردنە ک پاسەوان خەسخانەگەن، دۊیای ئەوەگ تەقەلا دانە وە زور بچنە ناو خەسخانەگە و ئەو هێزەلە نواگیری لەلیان کردنە.
لەباوەت رانندەی ماشینەگە ک هووکار روداوەگەس دریاسە دەس یاسا و لێکۆلینەوە وەگەردی کریەێد، وەگورەی قسەی پۆلیس هەولێر.
