لە هەولێر دەسگیرکردن چەتەی دزیکردن گەورەیگ

شەفەق نیوز/وەڕێەوبەرایەتی پۆلیس پارێزگای هەولێر پایتەخت هەرێم کوردستان، رووژ جومعە خەوەردا لە پۊچەوکردن چەتەیلیگ ک هەڵسیانە وە ئەنجامداین کار دزی  ک فرەیگیان ژنن و مادەیل هووشبەر وەکار هاوردنە. 

پۆلیس لە بەیاننامیگ ئمڕوو باسکرد، بەش پۆلیس دژە ئەنجامداین تاوانەیلە، نۊسینگەی ناحیەی کەسنەزان تۊنستنە چەتەیلیگ دەسگیر بکەن ک لە شەش کەس پێکهاتییە ک دوانیان پیاوان ئەو چوارکەسەیتر ژنن. 

لە بەیاننامەگە وتیش ئەو کەسەیلە دەسگیر کریانە وە تومەت ئەنجامداین دزی لە ناحیەگە گەنجینە شکاننە و تەڵا و دەوانچە و کەرەستەیل ئەلکترۆنی و کەلوپەل ناوماڵە دزینە. 

پۆلیس ئاشکەرا کەێد، " تاوانبارەیل دان نانە وە ئەنجامداین  6 دزی، لە مەوقەی دەسگیرکردنیان بڕیگ لە پۊل و تەڵا و مۆبایل و مادەی هوشبەر گریایە وەگەرد کەرەستەیل وەکارهاورد هووشبەر، و 15 جۊر لە حەبەیل جیاواز هووشبەر". 

وەڕێەوبەرایەتی پۆلیس هەولێر وتیش، کاغەز لێکۆلینەوە ئەرایان وازکرێد وەگورەی مادەی 443 لە یاسای سزادان و لە ئیسە زندانیکریانە.