لە هەولێر.. دۊتیگ لەناو زیندان بڕوانامەی پەیمانگەی تەکنیکی وەدەس تیارێد
شەفەق نیوز/ دۊای تەواوکردن دوو ساڵ خوەنستن لە زیندان چاکسازی هەولێر، دۊتیگ خوەنەوار سزادریاگ بڕوانامەی دبلۆم دوو ساڵە لە بەش ئینگلیزی پەیمانگەی تەکنیکی گەشە وەدەس هاورد.
وە ئامادەبۊن کوێستان محمەد وەزیر کارو کاروبار کۆمەڵایەتی و وەڕەوبەر گشتی چاکسازی هەولێر و سەرۆک دەسەی ئەمینداران و ڕاگرایەتی پەیمانگەی تەکنیک گەشە، لە زیندان چاکسازی هەولێر مەراسیمیگ رێزلێنان ئەرا وەخشین بڕوانامەی دبلۆم تەکنیکی وە دۊتە خوەنەواریگ وەڕیەوچگ، ک زیاتر لە هەفت ساڵ ژیان لە زیندان بەێدە سەر، و دۊای خوەنستن قۆناغ ئامادەی وە شیوەی زۊینە، کۆتایی ئەمساڵ خوەنستن بڕوانامەی دبلۆم دووساڵەی تەکنیکی لە بەش ئینگلیزی پەیمانگەی تەکنیک گەشە وەدەس هاورد.
لە مەراسیمەگە وەزیر کارو کاروبار کۆمەڵایەتی، سوپاس مامووستایل و ستافە کارگێڕییەیل مەکتەو خوەنستن زۊیژەی رووناکی و بەش ئینگلیزی پەیمانگەی تەکنیکی گەشە کرد، ک وە هەماهەنگی هەردوگلا پرۆسەگە وە سەرکەفتن وەڕیەو چگ.
