لە هەولێر...پیاویگ زاواگەی وە گولە کوشێد وە بوخت کوشتن ژنەگەی
2023-12-23T09:13:09+00:00
شەفەق نیوز/ پیاویگ لە دیروەخت دویەشەو زاواگەی وە گولە کوشێد، وەپای قسەی شایەتحاڵەیل، شەوەکی ئمڕوو شەممە، راگەیاننە.
وەپای وەچەودیەیل و ئەو زانیاریەیلە رەسیە، رویداوەگە لەبان ری هەولێر ــ مەخموور لە نزیک ناوچەی "مامزاوا" رویدایە، هەنای زاوا 30 ساڵانەگە وەناو (م، ش، ن) ماشین رانییە، هەنای تەقە لەلی کردیە لەیەکەودایە وەرد شمارەیگ ماشین ترەک، و گولەیلە کەفتیەسە وەر شمارەیگ دوکان بازرگانی نزیک لە رویداواگە.
زانیاریەیل دیاریکەن، قوربانیەگە ماوەی چەن رووژیگە لە زیندان ئازادبویە، کە توومەتبارە وە کوشتن ژنەی لەماوەی ساڵ گوزەشتە باوجی تا ئیسە وەلایەن دەسڵات دادوەری سزا نەیریایە.
وەپای قسەی وەچەودیەیل لە دویای دەرچگن تاوانبارەگە لە زیندان خانەوادەی ژنەگە دویەشەو تەقە لەلیکردنە.
سەرچەوەیگ ناوخوەیی وەئاژانس شەفەق نیوز وت، رویداوەگە لە ساعەت 11:30 دویەشەو رویدایە بکوشەگە ئەرا شوین نادیاریگ وایە و تا ئیسە دەسگیرنەکریایە.
