لەماوەی یەک هەفتە.. هیزگردن دویەم ئاگر لە بازاڕ "جوانکاری ماشین" لە هەولێر (وینە)
2024-09-01T07:45:17+00:00
شەفەق نیوز/ دواڕە، شەوەکی ئمڕوو یەکشەممە، ئاگر لە بازاڕیگ "جوانکاری ماشین " هیزگرد لە شار هەولێر پایتەخت هەرێم کوردستان، لەدویای هەفتەیگ لە یەکەم ئاگر کە فرە گەپ بوی و زەرد مادی رەسان.
قسەکەر وەرگیری شارستانی هەولێر موقەدەم شاخەوان سەعید وە ئاژانس شەفەق نیوز وت، "ئەرا دویەم جار ئاگر لە ناو (دوکانیگ فروشتن جوانکاری ماشین) هیزگردیە لەدویای هیزگردن یەکەم ئاگر لە رووژ دووشەممەی گوزەشتە" وتیش؛ رویداوەگە ئمڕوو رویدایە لەوەر کارەیل نووازی بینای دوکانەگە و وەکارهاوردن ئامێر لەحیمکردن و ئاگرەگە نزیکەی 40 دەقە وەردەوام بوی.
وتیش سێ تیم ئاگر کپەوکردن سەر وە وەڕێوەبەرایەتی وەرگیری شارستانی هەولێر توەنستنە وە سەرکەفتی کۆنترۆل ئاگرەگە بکەن وەبی ئەوەی زەرەد گیانی بوود.
وەڕێوەبەرایەتی وەرگیری شارستانی هەولێر، ئیوارەی رووژ دووشەممەی وەرین، خەوەردا لە هیزگردن ئاگریگ لەناو دوکان فروشتن جوانکاری ماشین لە شارەگە، وتیش رویداوەگە هویچ زەردیگ گیانی لەدویای نەویە.
