لەماوەی پەنج رووژ دە جار ئاگر کەفێدە ماڵیگ لە راپەرین
2022-06-13T09:03:08+00:00
شەفەق نیوز/ لە ئاوای سپیاو لە ناحیەی سەرکەپکانى لە سنوور ئیدارەی راپەرین لەماوەی پەنج رووژ ۱۰ جار ئاگر کەفتیەسە ناو ماڵ هاوڵاتیگ ک تا ئیسە هووکار ئاگرەگە نەزانریایە، ک ئیەش بویەسە جی سەرسامی وەکارهاوەریل تووڕ کۆمەڵایەتی.
وەگورەی قسەی خاوەن ماڵەگە، لە ماوەى پەنج رووژ 10 جار ئاگر کەفیەسە ماڵەگە، ئاگرەگە کەفێدە وەر کەنتۆر شەوخەف و دڵنگ و فەرش و قالیەیلیان وەبی ئەوەگ هووکارەگەی دیار بوود، ک بویەسە هووکار سەختی گوزەران ژیان ئی خانەوادە.
ئی کارە هاوڵاتیەیل ئاوایەگە و خیزانەگە سەرسام کردیە، و لایەنەیل پەیوەندیدار دەسکردنە وە لێکۆڵینەوە لە رویداوەگە وە رای شارەزایەیل هووکارەگەی گلەوخەوێد ئەرا هەبوین گاز سرووشتی لە ژیر زەوی ماڵەگە.
