لەماوەی یەک مانگ زیاتر لە هەزار بیمار زگچین و ئەڵاوردن مناڵەیل لە سلێمانی توومارکریا

شەفەق نیوز/ وەڕێوەبەرایەتی گشتی تەندروسی سلێمانی، ئمڕوو چوارشەممە، راگەیان لەماوەی مانگ تەمووز گوزەشتە زیاتر لە هەزار حالەت زگچین و ئەڵاوردن لەناو مناڵەیل توومارکریاس.

وەپای وەڕێوەبەرایەتیەگە، خەسخانەی دکتۆر جەماڵ ئەحمەد رەشید هووکارەیی مناڵەیل لە سلێمانی لە 1 تەمووز تا 31 هەمان مانگ 16,380مناڵ بیمار لە بەش شەوەکیان و راوێژکاری  وەرگردیە، چارەسەر پێویست ئەرایان کریایە، 2,583 بیمار ئەرا چارەسەر لە خەسخانە گلەودریانە.

وەڕێوەبەرایەتیەگە دیاریکرد "1,158 حالەت زگچین و ئەڵاوردن و هشکەوبوین و 356 هەناس تەنگی لەهەمان مانگ توومارکریاس"، ئاشکەرایکرد "373 مناڵ لە بەش دڵ و خوینبەرەیل چارسەرکریانە و286 لەبەش خۆراک، و412 مناڵ لە بەش چاکسازی خوەراک و 140 مناڵ لە بەش جگەر و کۆئەندام هەرس توومارکریاس".

وتیش "19,216 وشکنینن تاقیگەیی جوراوجویر ئەنجامدریاس و630 سۆنار، و83 وشکنین ئیکو، و31 وشکنین تیشک، و 543 چارەسەر تیشک لەهەمان مانگ کریایە".