لەماوەی ساڵ 2023 نزیکەی سێ هەزار تویشهاتن وە شێرپەنجە لە سلێمانی توومارکریایە
2023-12-25T13:04:45+00:00
شەفەق نیوز/ خەسخانەی هیوا ئەرا بیماریەیل شێرپەنجە، ئمڕوو دووشەممە، دووپاتکرد شمارەی تویشهاتنەیل وە بیماری شێرپەنجە نزیکە لە ناوەین ساڵەیل 2022 و2023، دیاریکرد نزیکەی 800 بیمار رووژانە سەردان خەسخانەکردنە و نزیکەی 3000 تویشهاتن دیاریکریایە.
سەرۆک بەش رویوەڕویبوین شێرپەنجە لە خەسخانەی هیوا دکتۆر محەمەد عەبدولوەهاب و ئاژانس شەفەق نیوز وت، "لە ساڵ گوزەشتە 3041 حالەت تویشهاتن وە بیماری شێرپەنجە لە خەسخانەی هیوا توومارکریایە، لەو شمارە زیاتریان لە سلێمانی بوینە، شمارەگە رەسیەس ئەرا 3322، ،ئیرنگە 2978 حالەت توومارکریایە کە تەنیا دوو رووژ مەنییە ئەرا ئمساڵ.
عەبدولوەهاب وتیش، "رووژانە نزیکەی 700 تا 800 کەس سەردان خەسخانەی هیوا کەن و و شمارەیگتریش سەردان خەسخانەیلتر کەن لەناویانیش خەسخانەیل تایبەت".
لەباوت هووکارەیل تویشهاتن وە بیماری شێرپەنجە وەپای ریخریاگ تەندروسی جەهانی، پەیوەنی وە دوو هووکار سەرەکی دیرێد، یەکەمیان بۆماوەییە (وراثي)، دویەمیش ژینگە، تا ئیسە کارەیلیان نەرسیەسە ئەنجام ئەرا چارەسەر ئێ هووکارەیلە وەتایبەت هووکار ژینگەیی لە هەرێم کوردستان.
