لە ماوەی جەژن نزیکەی 130 هەزار گەشتیار سەردان ناوچەیگ لە هەرێم کوردستان کەن
2024-06-23T10:45:13+00:00
شەفەق نیوز/ وەڕێوەبەر گشتی گەشتوگوزار ئیدارەی ناوچەی سەروەخۆی " سۆران" لە هەرێم کوردستان فەیسەڵ سادق، ئمڕوو یەکشەممە، راگەیان، نزیکەی 130 هەزار گەشتیار سەردان ناوچەگە کردنە لە ماوەی پشووی جەژن قوربان، لەناویان زیاتر لە 20 هەزار گەشتیار بیانی هەس.
سادق لە کۆنگرەیگ رووژنامەوانی ئمڕوو سازکریا وت، "وەپای ئامارەیل رەسیەس وە لیژنە و خاڵەیل وشکنین، نزیکەی 130 گەشتیار سەردان ناوچە گەشتیاریەیل سەر وە ئیدارەی سەروەخوەگە کردنە لە ماوەی پشووی جەژن".
وتیش، "زیاتر لە 20 هەزار لەو گەشتیارەیلە بیانین وە ئەو مانایە لە دەیشت هەرێم کوردستان هاتنە ئەرا ناوچە گەشتیاریەیل سنوور سۆران، وە تایوەت لە دەروازە سنووریەگان و فرۆکەخانەیل".
دیاریکرد، زیاتر لە 50 هەرار گەشتیار شەو لە ناوچە گەشتیارەیل سۆران وەڕیوە بردنە وە تایوەت لە ناوچەیل (باڵەکایەتی و سۆران).
وتیش؛ ئەوان مەەنەکردبوین ئەرا هاتن ئێ شمارە لە گەشتیارە، هووکارەگەش گلەودا ئەرا "ناوچەیل بی وینەی فرەیگ لە سنوور ئیدارەی (سۆران) هەس وەگەرد کەشوهەوای گونجیایگ، و هچان درویژیگ جەژن قوربان".
