لەماوەی 8 ساڵ گوزەشتە.. 135 هەزار کەس لە هەرێم کوردستان کووچ کردیە
![لەماوەی 8 ساڵ گوزەشتە.. 135 هەزار کەس لە هەرێم کوردستان کووچ کردیە](https://media.shafaq.com/media/arcella/1674032279879.jpg)
وەپای ئامار و داتایەیل دەسەگە بڵاویکردیە، فرەی کووچکرەیل گەنجن، نەوین دەرفەت کار و ئەو بارودۆخ بەدە ک گوزەرانی کەن هاوڵاتیەیل هووکار سەرەکین ئەرا کووچکردن لە هەرێم کوردستان.
لە ئاماریل دەرچگە، لەوەر خاسەوبوین بارودۆخ هەرێم لە ساڵەیل مابەین 2011 و2014، کووچکردنە وە پیچەوانەس ئەرا هەرێم کوردستان، نزیکەی 37 هەزار کووچبەر گلەوخواردن، باوجی دەرچگن ریخریاگ داعش، شمارەیگ قەێران زاق لە هەرێم هاوکێشەگە پیچەوانەو کرد.
ئامارەیل دیاریکەن، ناهاوسەنگی گەپیگ هەس لە هاوسەنگەی کووچکەرەیل هەردگ رەگەز، شمارەی فرە لە کووچبەرەیل لە رەگەز نیرن، هاتێ لە بانان بوودە گرفتیگ رویوەڕوی هاوڵاتیەیل هەرێم کوردستان بوود.
ریخریایەگە ئاشکەرایکرد لە گوزەشتە شمارەیگ پرۆژە یاسا و پیشنیار ئاراستەی پەرلەمان کوردستان کردنە لەباوەت کووچکردن و پەیاکردن میکانیزمیگ ئەرا نەهیشتن دیاردەگە باوجی تەقەڵایل سەرنێەگرن.