لە ماوەی 24 ساعەت گوزەشتە واران ئاو بەنداو دهۆک 4 مەتر بەرزەوکردیە
2024-03-20T13:18:17+00:00
شەفەق نیوز/ وەڕێوەبەر بەنداو دهۆک فەرهاد محەمەد، ئمڕوو چوارشەممە، راگەیان رێژەی ئاو دەریاچەی بەنداو بەرزەوبوین وەرچەوەیگ وەخوەیە دیە لە ئەنجام ئەو بڕە گەپە لە واران وارینە لە پارێزگاگە.
محەمەد وە ئاژانس شەفەق نیوز وت، رێژەی ئاو دەریاچەگە نزیکەی 4 مەتر بەرزەوبویە لەماوەی 24 ساعەت وەرین، 8 ملیۆن و800 هەزار مەتر چوارگووشە بەرزەوبویە.
وەڕێوەبەر بەنداوەگە دووپاتکرد هویچ مەترسیگ لەبان بی وەیی بەنداوەگە نییە، دیاریکرد تیمەیل تەکنیکی وەڕێوەبەرایەتیەگە وە درویژایی وەخت چەودێری بەنداوەگە کەن.
راگەیان، بەنداو دهۆک لە سەرەتای هەشتاگان سەدەی وەرین دروسکریایە و توانای وەرگردن زیاتر لە 52 ملیۆن مەتر چوارگووشە دیرێد ئیرنگە نزیکەی 42 ملیۆن مەتر چوارگووشە لە ئاو دەریاچەگە هاناوی.
.
