لەماوەی 24 ساعەت .. پۆلیس سلێمانی گەنجیگ دەسگیر کەێد باوگ خوەی کوشتیە
شەفەق نیوز/ وەڕێوەبەرایەتی پۆلیس پارێزگای سلێمانی، ئمڕوو شەممە، راگەیان لەدویای چەن ساعەتیگ توەنستنە گەنجیگ دەسگیربکەن کە باوگ خوەی کوشتیە.
لە بەیاننامەیگ پۆلیس سلێمانی کە ئاژانس شەفەق نیوز دیەسێ هاتیە، "دویەشەو، زانیاری رەسیەس پۆلیس لەباوەت رویدان تاوانیگ کوشتن لە شارەگە، دەسوەجی تیمیگ لە پۆلیس رەسیەسە شوین رویداوەگە و دەسکردیە وە لێکۆڵینەوەی سەرەتایی".
پۆلیس لە بەیاننامەگەی وت: "لە لێکۆڵینەوەیل رەسینەس وە قوربانیەگە دەرچگە پیاوەگە وە دەس کوڕەگەی کوشیاگە، و لەشوین رویداوەگە واینە" دووپاتکرد "دەسکردنە وە ئۆپراسیۆن مینەکردن و خەسیگ ئەرا دەسگیرکردن توومەتبار.
پۆلیس ئاشکرایکرد "وە پشت بەسان وە رێنمیایەیل دادگا، مەفرەزەی لێکۆڵینەوەی تاوانکاری لە بەش دژە تاوانەیل سلێمانی سەرکەفتی بوین لە دەسگیرکردن توومەتبار (م. م. ع) تەمەن 22 ساڵ، لە خود شەو کە تاوانەگە ئەنجامداگە".
دووپاتکرد "توومەتبار دان وە ئەنجامداین تاوانەگەی دانایە، وەپای مادەی 406 لەیاسای سزاداین عراقی دەسوەسەرکریا، کە لە دەق یاسای دۆسەیل کوشتن وە ئەنقەست هاتیە.
