لەماوەی 14 ساڵ.. نزیکەی 130 هەزار جیاوەبوین لە کوردستان توومارکریاس
2024-07-08T08:03:53+00:00
شەفەق نیوز/ لە ئاماریگ یەکێتی پیاوەیل، ئمڕوو دووشەممە، راگەیان نزیکەی 130 هەزار جیاوەبوین لەماوەی 14 ساڵ وەرین لە هەرێم کوردستان توومارکریاس.
سەرۆک یەکێتی پیاوەیل عەلی بورهان وە ئاژانس شەفەق نیوز وت "ئامارەیل لە ساڵ 2010ەو تا کۆتایی ساڵ پارەکە توومارکریایە" ئاشکەرایکرد "حالەتەیل گەپیگ جیابوینەوە نزیکەی 240 هەزار مناڵ لە شوین خوەی کردیەسە قوربانی".
وتیش "ئێ شمارە فرە بەرزە" وتیش " لە عراق لە هەر چوار هاوسەرگیری یەک جیابوینەوە توومارکرێد، باوجی لە کوردستان لە هەر سێ حالەتیگ هاوسەرگیری یەک جیابوینەوە توومارکرێد".
لەباوەت هووکارەیل جیابوینەوە سەرۆک یەکێتی پیاوەیل کوردستان راگیان "قەیران دارایی و داامودەزگایەیل تەکنەلۆژیا هووکارەیل ترەک بەس بوین تا حالەتەیل هاوسەرگیری وە جیابوینەوە کۆتایی وەپی بارن".
