لە میونشن.. نێچیروان بارزانی دووپات لە قایمکردن هاوکاری هاوبەش وەرد بەریتانیا کەێد
![لە میونشن.. نێچیروان بارزانی دووپات لە قایمکردن هاوکاری هاوبەش وەرد بەریتانیا کەێد](https://media.shafaq.com/media/arcella/1708098328638.jpeg)
نویسینگەی راگەیانن سەرۆک هەرێم کوردستان لە بەیاننامەیگ رەسیە ئاژانس شەفەق نیوز وت: لە وەردەوامی چالاکیەیلی بە کۆنگرەی ئاسایش میونشن لە ئەڵمانیا، نێچیروان بارزانی سەرۆک هەرێم کوردستان، ئمڕوو جمعە، وەگەرد گرانت شابس وەزیر وەرگری بەریتانیا گردەو بوی.
نویسینگەگە لە بەیانامەگە وت: لەناو دیدارەگە باس رەوشەیل ئەمنی عراق و ئاڵووزیەیل خوەرھەڵات ناوڕاس کریا، و ئەگەرەیل جەنگ لە غەزە، و کاریگەریی لەبان رەوشەیل ناوچەگە وەتایبەت لەبان عراق، و مەترسیی و هەڕەشەی لەبان ئاسایش وڵات.
وتیش؛ هەردوگ لایەنەگە دووپات کردن لەبان رینەیان وە فراوانبوین ئاڵووزیەیل تا گشت ناوچەگە نەگرێدەو، و هەردوگ لایەنەگە هاوڕا بوین وە گرنگی نەیشتن عراق لە دەسپاچەبوین وە ئاڵووزی و ژاوەژاوەیل.
سەرۆک بارزانی سوپاس و رێزی ئەرا دەسمیەتیەیل بەریتانیا ئەرا عراق و هەرێم کوردستان لە نواگیری تیرۆر و جەنگ داعش پیشکەش کرد، و دووپات لە قایمکردن هاوکاری هاوبەش کرد.