لە میلان تا تێهران، رێزداری لە ئیڵامییەێلە
شەفەق نیوز- ئمڕوو دە تێهران لەو فیلم ئێرانییە ک دە جەژنوارەێ فیلمەێل وەرزشی میلان خەڵاتی کریانە، رێزداری دکرێ.
دە ئی مەراسمە لە فیلم (مستطیل قرمز/ چوارقوڕنەێگێ سۆر) رێزداری دکرێ.
ساڵفەگەێ ئی فیلمە باس کوشریان پانزه که‌س (دو زاڕوو هەفت و سێزدە ساڵان، یەک داوەر، پەنج وازیکار تووپان ئوو چوار تەماشاوان) ک گشتێ ژێر بیس و هەشت ساڵان و نمام و نوونمام بینە، ئوو باس شەل و کوت کردن سی و پەنج کەس لە ئیلامییەێلە دە وازی تووپانێ ک سی و چوار ساڵ وەر ژە یە دە شار چەوار ئوستان ئیلام نریاگەسە.
دە ئی مەراسمە ک دە ساڵون راگادید ئستادیوم ئنقڵاب تێهران، وە بەشداری هووز سینەما و هووز وەرزێشت ئێران دنرێ، بڕێ لە سلبرتییەێلە هەسەیان ئوو ویرێ دکرێ لە عەلی ئەنساریان، وازیکار تووپان و سینەما ک چەنێ پێش وە خاتر کورونا مرد دکرێ هەمجا لە حشمەت موهاجرانی، جەمشێد هاشم‌پوور ئوو مەسعوود ئوسکووئی هەم رێز دگیردرێ.
سازەندەێ فیلمەگە سەیید عەلیڕزا سەجادپوور، ئوو دەرهێنەرەگه‌ێ براێل لفانگ ئیلامی سەی‌خانی بینە و ئی فیلمە پارەکە ئکران کریا، یەکم فیلم جەنگی ئێرانیێگە ک دە یەکێ لە جەژنوارەێل ئورووپائی خەڵاتی کریاگە.
