لە یەکەم ئامار... فرەتر لە یەک ملیۆن دۆلار زەرەد ئاگرەگەی عەلوەی سلێمانی
2022-09-13T08:54:12+00:00
شەفەق نیوز/ قسەکەر کراکار و بازرگانەیل عەلوەی سلێمانی، ئمڕوو سێشەممە، ئاشکەرایکرد هیزگردن ئاگرەگەی دویەشەو ناو عەلوەی سەوزەو میوە بویە هوکار زەرەد مادیی زیاتر لە یەک ملیۆن دۆلار.
نوێنەر کراکار و بازرگنەیل عەلوەگە عەتا محەمەد، لە بەیاننامیگ رەسیە ئاژانس شەفەق نیوز وت، ئاگرەگە زیاتر لە ملیۆنیگ دۆلار زەرەد لەلی کەفتیە و پیشبینی کریەێد ئی بڕە زیاتر بوود لەوەگ ئاشکرا کریاگە.
وتیش، وە ئاگر کەفتنەگەی دویەشەو ناو عەلوەگە، دوو بازرگان زەرەد گیانی وەپیان رەسیە، دوو بارهەڵگر سەوزەو میوە وە تەواوی سزیایە، وەگەرد سێ دوکان ک ئاڵەت رەنگاورەنگ گەزەر و کاهو لەناویان بوی.
دیاریکرد، "تا ئیسە هوکار ئاگرەگە نادیارە، و لێکۆڵینەوە لە رویداوەگە وەردەوامە".
