لە فرەیگ ناوچەیل هەرێم نمە واران وەردەوم بوود و پلەی گەرمی دوو تا سێ پلە داوەزێد

شەفەق نیوز/ دەسەی کەشناسی و زەویلەرزەناسی هەرێم کوردستان، ئمڕوو دووشەممە، مەزەنەی کەشوهەوای هەرێم کوردستان راگەیان.

دەسەگە لە بەیاننامەیگ راگەیان، "ئمڕوو ئاسمان نیمەئەور تا ئەور تەواویگە وە تایوەت لە ناوچە کویەیلە، لەوەخت دویای نیمەڕوو نمەواران فرەیگ لەناوچەیل هەرێم گرێدەو گاجاریگ ئەرا واران رفتیگ ئاڵشتبوود  و تریشقە هاوەگەردی و کاریگەریەگەی لەناوچە کویەیلە زیاترە".

دیاریکرد، لەوەختەی ئیوارە کاریگەریەگەی وە کەمی مینێد وە شیوەی نمە واران پچڕپچڕ لەناچە کویەیلە و پلەی گەرمی دوو تا سێ پلە داوەزێد بەراورد وە توومارەیل دویکە".

. بەرزترین پلەی گەرمی مەزەنەکریاگ وە پلەی سیلیزی:

هەولێر     : 20 پلەى سیلیزى

سلێمانی  : 16 پلەى سیلیزى

دهۆک     : 17 پلەى سیلیزى

کەرکوک  : 19 پلەى سیلیزى

هەڵەبجە : 17  پلەى سیلیزى

زاخۆ      : 17 پلەى سیلیزى

حاجی ئۆمەران : 8 پلەى سیلیزى

سۆران    :  15 پلەى سیلیزى

گەرمیان  :   23 پلەى سیلیزى.