لە سنووریەیل خوەرهەڵات هەرێم هاتێ واران بوارێد

شەفەق نیوز/ دەسەی کەشناسی و زەویلەرزەناسی هەرێم کوردستان، ئمڕوو دووشەممە، مەزەنەی واران وارین لە خوەرهات هەرێم کرد.

کەشناس لە بەیاننامەیگ راگەیان، "ئمڕوو ئاسمان لەناوەین ساماڵ و لەکە ئەورە و پلەی گەرمی  (1-2) پلە بەرزترەوبوود لە دویکە".

ئاشکرایکرد "سوو سێشەممە، ئاسمان نیمەئەورە لەناوچە کویەیلە ئەرا ئەور تەواو ئاڵشتبوود، لەوەخت شەو لەناوچە سنوورەیل خوەرهەڵات هەرێم هاتێ نمە واران بوارێد و گاجاریگ ئەرا واران رفتیگ و بەڵاچە ئاڵشتبوود، وە پچڕپچڕ تا شەوەکی رووژ چوارشەممە وەردەوام بوود".

بەرزترین پلەی گەرمی مەزەنەکریاگ وە پلەی سیلیزی:

هەولێر     :34  پلەى سیلیزى

سلێمانی  :    32  پلەى سیلیزى

دهۆک     :  36 پلەى سیلیزى

کەرکوک  : 38 پلەى سیلیزى

هەڵەبجە   :  35 پلەى سیلیزى

زاخۆ      :  34 پلەى سیلیزى

حاجی ئۆمەران : 19 پلەى سیلیزى

سۆران    :  31  پلەى سیلیزى

گەرمیان  :    39 پلەى سیلیزى.