لەڕی سلێمانی...پویچەوکردن تەقەلای قاچاخکردن پارچەی تەڵا ئەرا ناو عراق
2023-09-11T08:57:29+00:00
شەفەق نیوز/ فەرماندەی هێزەیل سنووری، ئمڕوو دووشەممە، دەسگیرکردن کەسیگ راگەیان کە تەقەلای قاچاخکردن پارچە تەڵا دایە ئەرا عراق لە ری پارێزگای سلێمانی سەر وە هەرێم کوردستان.
فەرماندەیەگە لە بەیاننامەیگ رەسیە ئاژانس شەفەق نیوز وت، " مەفرەزەیگ سەر وە فەوج دویەم لە لیوای سنوور سێیەم سەر وە فەرماندەیی سنوور ناوچەی یەکەم، توەنستنە توومەتباریگ دەسگیربکەن کە خشڵ و پارچە تەڵا وەپی بویە وە بڕ 24 کگرام کە نیاز داشتیە لەری سلێمانی قاچاخیان بکەێد ئەرا ناو عراق".
وتیش " راپۆرت دەسگیرکردنە دروسکریاسە و رێکارەیل یاسایی وەرانوەری گیریەێد"
