لە سلێمانی.. سێیەم رویداو خنکیان وەماوەی ٢٤ ساعەت
شەفەق نیوز/ ئیدارەی قەزای ماوت لە سلێمانی، ئمڕوو شەممە، خنکیان گەنجیگ لە چەم دوجمان باشوور پارێزگاگە راگەیان، لەوەختیگ خەڵکەگە توەنستن تەرمیگ لە نزیک سنوور ئیران لەئاو دراران.
کامەران حەسەن قائیم ماوت لە بەیاننامیگ رەسیە ئاژانس شەفەق نیوز وت: بڕیگ گەنج نیمەڕو ئمڕوو چینە مەلەوانی لە چەم دوجمان لەبان سنوور هەرێم کوردستان وئیران، باوجی یەکیگیان خنکیا.
ودیاری کرد ک گەنجەگە ک خنکیایە لە داڵگبوی ١٩٩١ وەناو هیوا حسێن عەلی بویە، و تەرمەگەی ئەرا پزیشک دادوەری لە سلێمانی کلکریا.
حەسەن داوا لەو هاووڵاتییەیلە کرد ک خاس شارەزای سرووشت ناوچەگە نیین، دویر لە ئاو ومەلەوانی بکەفن، تا تویش رویداو نەخوازیاگ نان.
دویەکە جمعە، دوو رویداو خنکیان توومار کریا، یەکیگیان گەنجیگ لە تەمەن ٢١ ساڵان بوی لە بەنداو رانیە لە ئیدارەی راپەرین خنکیا، و ئەوەکە گەنجیگ لەتەمەن ٣٥ ساڵان لە چەم سیروان لە ئیدارەی گەرمیان خنکیا.
