لە سلێمانی.. دەسگیرکردن 5 تیرۆرست لە کرنگترین داواکریایل ئەرا دادوەری عراق

وەگورەی بەیاننامەی ئاژانسەگە، دویای هەمانەنگی وەگەرد دەزگای دژەتیرۆر لە پارێزگای سلێمانی، و فەرماندەیی ئۆپراسیۆنەیل هاوبەش، پەنج تیرۆرست داواکریاگ وەگورەی مادەی 4 تیرۆر دەسگیر کریان، ک ریکارەیل یاسایی وەرانوەریان بریا.

دویەکە چوارشەممە، وەڕیەوبەر ئاسایش سلێمانی ئاشکرای پویچەڵکردن دروسکردن «ئیمارەیگ» ئەرا داعش لە شارەگە و دەورگردی کرد، و دیاری کرد ک مینەکردن و وەشوینکەفتنیان پەنج مانگ وەپی چگ.

وەریەوبەرایەتیەگە لە بەیاننامەیگ رەسیە ئاژانس شەفەق نیوز وت: گردەوکردن زانیاری و چەودیاریکردن ئەندامەیل خانەگە ک پلان ئەرا ئی کارە داشتنە تا پەنج مانگ کیشا، لەناوی پەنج پیلان پویچەڵ کریا، و شکست وە تیرۆرستەیل هاوریا لە دروسکردن ئیمارەی داعش لە سلێمانی و دەورگردی، و هەمیش 54 تیرۆرست دەسگیر کریان و سێانیش کوشیان.