لە سلێمانی...دەسگیرکردن کابرایگ وەسنگ خوازین دویەتیگ خەڵەتانیە
2023-02-16T08:45:30+00:00
شەفەق نیوز/ وەڕێەوبەرایەتی پۆلیس لە پارێزگای سلێمانی، ئمڕوو پەنجشەممە، خەوەردا مەفرەزیگ لە بنکەی پۆلیس بەختیاری توومەتباریگ دەسگیر کردنە ک وە فێل هاوسرگیری بڕەیگ پویل لە دویەتیگ بردیە.
وەڕیەوبەرایەتیەگە ئمڕوو لە بەیاننامەیگ راگەیان، لەدویای ئەوەگ دویەتیگ سکاڵا توومار کەێد لە دژ کەسیگ ک لەبان تووڕ کۆمەڵایەتی ناسیەسێ، لەدویای ئەوەگ چەویان وەیەک کەفتیە پەیمان هاوسەرگیری وەپی دایە، و خەڵەتانیەسەی و بڕ 1000 دۆلار ئەمریکی لەلی بردیە، هێزەیل ئەمنی وە زوی دەسکردنە پرۆسەی مینەکردن و پەیاکردن توومەتبارەگە.
وەپای بەیاننامەگە لەدویای وەرگردن رەزامەنی دادوەر مەفرەزەیل بنکەی پۆلیس بەختیاری توەنستنە توومەتبار پەیا بکەم و دەسگیری بکەن.
ئاشکرایکرد، توومەتبارەگە ناوی (د.د.م) لەداڵگبوی 1997 وە بڕیار دادوەر گیریایە و لێکۆڵینەوە تا ئیسە وەگەردی وەردەوامە.
