پۆلیس هەولێر دوو تووماتبار گرێد یەکیگ دزی لە ١٣ ماڵ کردیە و ئەوەکە ٢٣ ماتورسکڵ دزیە
شەفەق نیوز/ وەڕێەوبەرایەتی پۆلیس هەولێر پایتەخت هەرێم کوردستان، ئمڕوو یەکشەممە، دەسگیرکردن چەن توومەتباریگ وە دزیکردن راگەیان.
رائد هۆکەر عەزیز قسەکەر پۆلیس هەولێر لە کۆنگرەیگ رووژنامەوانی ئاژانس شەفەق نیوز ئامادەی بوی وت: یەکەم توومەتبارەگە دویای دزیکردن پویل و تەڵای فرەیگ لە ناوچەی ئیمبایەر لە هەولێر دەسگیر کریا وەگورەی مادەی ٤٤٤ لە یاسای سزادان.
وتیش: ئی باوەتەگە دزیکردن کارت رەسید مۆبایل بوی، ک توومەتبارەیل دەسگیر کریان، و دریانە دادگا وەگورەی مادەی ٤٤٦ لە یاسای سزادان.
عەزیز وتیش: کەسیگ وە توومەت دزیکردن پویل لە ١٣ ماڵ لە ناوچەی مەنارە لە پارێزگای هەولێر دەسگیر کریا، و هەمیش کابرایگ مەوقەی دزیکردن ماتوورسکڵیگ گرانبەها دەسگیر کریا، و لەناو لێکۆڵینەوە ئاشکرای دزیکردن ٢٣ ماتوورسکڵ لەناو پارێزگای هەولێر کرد، و دریا دەس دادگا.
عەزیز هەمیش وت: ئی توومەتبارەگە ک دەسگیر کریا، دزی چشتەیل گران لە شوین وسیان پاسەیل کردیە، و دریا دادگا.
