پۆلیس هەولێر توومەتباریگ دەسگیرکرد شمارەیگ دزی ئەنجام دایە
![پۆلیس هەولێر توومەتباریگ دەسگیرکرد شمارەیگ دزی ئەنجام دایە](https://media.shafaq.com/media/arcella/1681124655807.jpg)
2023-04-10T11:04:28+00:00
شەفەق نیوز/ وەڕیەوبەرایەتی پۆلیس هەولێر، ئمڕوو دووشەممە، توومەتباریگ دەسگیرکرد پەنج تاوان دزی لە شارەگە ئەنجام دایە.
قسەکەر پۆلیس هەولێر موقەدەم هۆگر عەزیز، لە وەخت کۆنگرەیگ رووژنامەوانی ک ئاژانس شەفەق نیوز ئامادەی بوی وت" لەدویای گردەوکردن زانیاری و لێکۆڵینەوە و وەدویاچگن توومەتباریگ دەسگیرکردیمن ک پەنج تاوان دزی ئەنجام داگە".
ئاشکەرایکرد،" توومەتبارەگە سێ تاوان دزی خەزینەی پویل لە ماڵ و کۆمپانیا و وێستگەی سوتەمەنی ئەنجامدایە و هەمیش ماشینیگ دزیە"، دیاریکرد "توومەتبارەگە هادەس پۆلیس تا ئیسە لێکۆلینەوە وەگەردی وەردەوامە هەر هاوڵاتییگ سکاڵا لەبانی دیرێد با سکاڵا توومار بکەێد.