پۆلیس سلێمانی هووکار مردن کەسەیل خانەوادەیگ لە چوارباخ راگەینێد
2022-10-09T10:05:04+00:00
شەفەق نیوز/ وەڕێەوبەرایەتی پۆلیس پارێزگای سلێمانی، ئمڕوو یەکشەممە، خەوەردا ک چوار کەس لەیەک خانەوادە لەناو ماڵیگ لە گەڕەک چوارباخ لە شار سلێمانی وە تەزیان کارەبا گیانیان لەدەسدانە.
وەڕێەوبەرایەتیەگە لە بەیاننامەیگ رەسیە ئاژانس شەفەق نیوز وت: دویای رەسین تێم بەڵگەیل تاوانیی و لە وەڕێەوبەرایەتی ئاسایش پارێزگاگە، ئاشکرای شوین رویداوەگە کریا، و دەرکەفت ک هەرچوار قوربانیەگە وە تەزیان کارەبا گیانیان لەدەسدانە.
بەیاننامەگە وتیش: دویای رەسانن تەرمەیل ئەرا فەرمانگەی پزشک دادوەری دووپات کردیا ک مردنیان وە تەزیان کارەبا بویە، و دیاری کرد ک قوربانیەیل باوگ و داڵگ و دویەت و کوڕیگ بوینەز وەی ناوەیلە:
عادل مستەفا سەعید لەداڵگبوی 1966
شعریە عەلی ئەمین لەداڵگبوی 1972
محەمەد عادل مستەفا لەداڵگبوی 1999
جوان عادل مستەفا لەداڵگبوی 2002.
