پۆلیس گەرمیان ژنیگ وە توومەت دزین نزیکەی 14 ملیۆن دەسگیرکەێد
![پۆلیس گەرمیان ژنیگ وە توومەت دزین نزیکەی 14 ملیۆن دەسگیرکەێد](https://media.shafaq.com/media/arcella/1722769077604.jpg)
13 ملیۆن و 700 هەزار دینار، ژنیگ دەسگیرکریاس و فەرمان دەسگیرکردن ئەرا کەسيگ ترەک دەرچگە.
قسەکەرەگە راگەیان، هاوڵاتیگ لە بنکەی پۆلیس ناحیەی رزگای سکالا وەرانوەر دوو ژن توومارکردیە کە بڕ 13 ملیۆن و 700 هەزار دینار عراقی لەلی دزینە لەدویای سوود وەرگردن لە کامیرایل چەودێری، تیم کامیراوانی بەش پۆلیس کەلار توەنستن توومەتبارەگە دەسنیشان بکەن و لەناو بازاڕ قەزای کەلار مەفرەزەیگ بەش پۆلیس کەلار توەنست یەکیگ لەو ژنەیلە دەسگیربکەێد.
ئاشکەرایکرد، "ئەو ژنە وەگەرد چەن ژنیگ ترەک و شویەگەی خەڵک دەێشت سنوور گەرمیان و لە کەلار ماڵیگ وە کرای گردنە و رووژانە کار سواڵی کەن لە گەرمیان".
وەپای قسەکەر پۆلیس گەرمیان، دوای رەزامەنی دادوەر پۆلیس چگنەس ئەرا ماڵەگەیان و لەناوماڵەگەیان دەسگردنە وەبان 87 گەڵا (هەشت هەزار و 700 دۆلاری ئەمریکی) و بڕ پەنج ملیۆن و 286 هەزار دیناری عراقی و چەن پارچە تەڵایگ.
باس لەوەش کرد، ئیرنگە توومەتبار وەپای مادەی 446 زیندانیکریاس و فەرمان دەسگیرکردن ئەرا توومەتباریگ ترەک دەرچگە کە وەگەرد یەک تاوانەگە ئەنجام دانە و لێکۆلینەوە وەگەردی وەردەوامە.