پۆلیس گەرمیان: تۆمەتبار سزانن تانکەرەیل کەلار دەسگیرکریا

شەفەق نیوز/ وەڕێوەبەرایەتی پۆلیس گەرمیان، ئمڕوو چوارشەممە، راگەیان دویای ئەوەگ خەوەر سزانن چەن تانکەریگ لەشار کەلار بڵاوەوبوی پۆلیس سنوورەگە راگەیان توومەتبار رویداوەگە دەسگیرکردیە.

وەڕێوەبەرایەتیەگە لە پۆستیگ راگەیان، دویای ئەوەگ شەو دووشەممە لە نزیک شارەوانی قەزای کەلار ماشین بارهەڵگریگ سزیا، دویەکەیش سێشەممە لە کویچەی ئەندازیاران و کویچەی ئازادی قەزای کەلار تانکەریگ و ماشینیگ ترەک بارهەڵگر سزیان، دەسوەجی مەفرەزەیل پۆلیس و ئاسایش کەلار لێکۆڵینەوە و وەدویاچگن دەسوەپیکردن.

دیاریکرد، وە وەلیفەت وەرگردن لە  کامێرای چاودێری توەنریا توومەتبار وەناو   ( ب – ف -ح ) لە داڵگبوی ساڵ 2007 دەستگیربکرێد کە ماشینەیل سزانیە.

ئاشکەرایکرد، ئیرنگە وە بڕیار دادوەر کاغەز لێکۆڵینەوە ئەرای وازکریاس و لێکۆڵینەوە لە رویداواگە دەسوەپیکردیە.