پۆلیس راپەڕین ناخاڵیگ 14 ساڵ وە توومەت دزیکردن دەسگیر کەێد
2023-11-30T11:06:06+00:00
شەفەق نیوز/ وەڕێوەبەرایەتی پۆلیس راپەڕین، ئمڕوو پەنجشەممە، راگەیان توومەتباریگ 14 ساڵان دەسگیرکردیە وە توومەت دزیکردن لە دوکانیگ مۆبایل فرووشی.
وەڕێوەبەرایەتیەگە لە بەیاننامەیگ راگەیان " دویای ئەوەگ هاوڵاتییگ خاوەن دوکان مۆبایل داد توومارکەێد لە بەش پۆلیس نەهیشتن تاوان راپەرین، راگەیانیە کە دزی لەلیکریاگە، دویای وەرگردن بڕیار دادوەر هێزەیلمان لە بەش پۆلیس نەهیشتن تاوان دەسکردنە وە جەمەوکردن بەڵگە و زانیاری هویرد لەباوەت رویداوەگە و توەنستنە لەماوەی کەمتر لە 24 ساعەت توومەتباریگ دەسگیرکەێد وەناو ( ن.ع.ا ) لە داڵگبوی ساڵ 2009.
دیاریکرد، دویای لێکۆڵینەوە وەگەردی توومەتبار لەوەردەم دادوەر لێکۆڵینەوە دان نایە وە تاوانەگەی ئاشکەرایکردیە بەرنامە دانایە ئەرا دزیکردن لەچەن دوکانیگتریش.
ئاشکەرایکرد، ئیرنگە توومەتبار وەپای ماددەی 443 وە بڕیار دادگا گیریاگە.
