لە رووژ دارستان.. هەولێر باس لە چارەسەرە زانستییەیل کەێد ئەرا مقیەتیکردن ژینگە
شەفەق نیوز/ کۆلێژ زانستە ئەندازیارییە کشتوکاڵییەیل لە پارێزگای هەولێر، ئمڕوو دووشەممە، کۆڕیگ زانستی سازکرد، کە لەناوی باس لە چارەسەرە زانستییەیل کرد ئەرا مقیەتیکردن ژینگە، کە وەگەرد رووژ جیهانی دارستان هات.
پەیامنێر ئاژانسی شەفەق نیوز وت: وەبوونەی رووژ جیهانی دارستان، ئمڕوو لە هۆڵ سەنتەر رووشنهویری لە زانکۆی سەلاحەدین، کۆڕیگ زانستی وەڕیەو چگ، کە لەلایەن بەش دارستان کۆلێژ زانستە ئەندازیارییە کشتوکاڵییەیل رێکخریاوێد، وە بەشداری ئەکادیمیستەیل، توێژەران، پسپۆڕان، و خوەنەوارەیل.
پەیامنێر ئاژانسمان وتیش لە ناو کۆڕەگە چەن باوەتیگ باس لە گرنگی دارستانەیل و سوودەیای و کاریگەرییەیل ئاڵشتبوین کەشوهەوا و ریەیل مقیەتیکردن ژینگەی کوردستان لە خراوبوین کریا.
هەرالیوا، بەشداربویەیل باس لەو ئاستەنگەیلە کردن کە کەفنە روی پووشیان درەختی، و چارەسەریەیل زانستی پێشنیار کردن ئەرا مقیەتیکردن سەرچەوە سروشتییەیل و بەرزکردن وەردەوامیی ژینگەیی لە ناوچەگە.
