لە رووژ جەهانییان.. ژنەیل سلێمانی ناڕەزایی کەن.. وینە

شەفەق نیوز/ شمارەیگ لە ژنەیل لە پارێزگای سلێمانی، ئمڕوو سێشەممە،  وسیانیگ ناڕەزایی وەبوونەی رووژ جەهانی ژن رێک خستن، لەناوی داوا کردن رەنجیگ زیاتر ئەرا پاڵپشتیکردن ماف ژن بیریەێد. 

ئەو ژنەیلە لەناو وسیانەگە دروشمەیلیگ بەرز کردن جۊر؛ "ماف ژن.. ماف مرۆڤە"، "نە ئەرا دووچەوەکی"، "بەڵی ئەرا ئازادیەیل". 

لەی باوەتە، خانمە چالاکوان بەرڤان عەلی ئەرا ئاژانس شەفەق نیوز وت: رەوش ژن لە کوردستان وەرەو خراوتر چوود، لەوەر دراتن لە سزا و زاڵبۊن رسوومەیل هووزانە و کۆمەڵگا.  

وتیش: ماف ژن لەناو کۆمەڵگا و لەکار سیاسی تاڵان کریاگە، ئەراوە داوا کەیمن سیستەم کۆتا پۊچەڵ بکریەێد، و پۆستەیلیگ سەروەری بیریەێدە ژن و تەنیا لەبان دامەزارەیل ژنانە نەمینێد.