لە رووژ جەهانیان... خانەقین لە دوو شوین ئاهەنگ ئەرا مناڵ کەێد
شەفەق نیوز/ وەڕێەوبەرایەتی روشنهۊری و هونەر لە خانقین ئاهەنگ فراوانیگ وەبونەی رووژ جەهانی مناڵەیل سازکرد وە ئامادەبوین وەرپرسەیل و پسپۆرەیل و چالاکوانەیل مەدەنی لە مژارە جیاوازەیل.
ئەزهار موزەفەر وەڕێەوبەر روشنهۊری مناڵەیل لە خانەقین وە ئاژانس شەفەق نیوز وت، وەڕێەوبەرایەتی گشتی روشنهۊری و هونەر لە گەرمیان لە خانەقین وە هاوکاری وەگەرد مال روشنهۊری شەهید سەلام لە خانقین ئمڕوو وەبونەی رووژ جەهانی مناڵەیل لە خانەقین ئاهەنگ سازدان وە سەرپەرشتی وەڕیەوبەر ئیدارەی گەرمیان جەلال شێخ نووری و وەسەرپەرشتی قائیمقام قەزای خانەقین دلێر حەسەن سایە .
وتیش، مەراسیمەگە، شمارەیگ کار و چالاکیەیل جوراوجویر وەڕێەوەچی چی، وازکردن پیشانگایگ شیوەکاری وینەیل مناڵەیل و فیلمیگ لە بەرهەمهاوردن وەرێەوبەرایەتی روشنهۊریی و هونەر لە خانەقین پەخشکریا وە ناونیشان "ڕووژ هەفتەم" ک باس لە کاریگەری کەمی رۆل سینەماکرد لەبان روشنهۊری مناڵ وەگەرد گورانی و وەرزش و کارەیل دەسرەنگینی و و سروودەیل کوردی و دابەشکردن خەڵات وەبان مناڵەیل گردە خوەی.
لە شوینیگتر لە خانەقین، ئمڕوو پەنجشەممە، وەئامادەبوین بڕیگ لە وەرپرسەیل خانەقین و گەرمیان، لە هۆڵ سەنتەر پاڕاستن مناڵەیل خانەقین، ئاهەنگیگ ئەرا مناڵەیل سازیا.
ئاهەنگەگە وە سەرپەشتی و چەودیری وەڕێەوبەرایەتی گشتی چەودێری و گەشەپێدان کۆمەڵایەتی گەرمیان، وە بڕیگ چالاکی هونەری لە شانۆ وشیعر و وەرزش وکار دەسی ووینەکیشان لە سەنتەر پاڕاستن مناڵەیل خانەقین وەڕیەو چگ.
